“Onda buyurub, müharibəyə başlasınlar...” – İsgəndəryanın açıqlamasına SƏRT REAKSİYA


"Onu ağıllı adam hesab edirdim, amma görünür absurd olduğu qədər də axmaqdır”.

Bu sözləri Sfera.az-a açıqlamasında erməni politoloq Aleksandr İsgəndəryanın 10 noyabr bəyanatının düzgün şərh olunmadığı, sənədin sülh yox, atəşkəs, müharibənin dayandırılması barədə olduğunu deməsinə münasibət bildirərkən, politoloq Natiq Miri deyib:

"Münaqişə yoxdursa, Azərbaycan ərazi bütölüyünü təmin edibsə və gələcək perspektivdə ölkəmiz suverenliyini digər ərazilərdə bərpa etməyi hədəfləyibsə, hər hansı bir sülh sənədindən söhbət gedə bilməz. Yaxud da, münaqişənin yenidən müzakirə predmeti olmasından söhbət gedə bilməz”.

Politoloq bildirdi ki, Ermənistan buna razı deyilsə və bu nəticədən çıxış etmirsə, buyurub yenidən müharibə apara bilər:

"Amma hamımıza bəllidir ki, Ermənistanın buna imkanı çatmır. Çatmırsa, gücsüz tərəfin qalib tərəfə diktə edəcəyi hansı müharibədə görülüb? Belə təcrübəyə dünya müharibələrində rast gəlinməyib. Erməni politoloq İsgəndəryanı ağıllı adam hesab edirdim. Ancaq hiss olunur ki, absurd olduğu qədər, həm də axmaqdır. Çünki hər hansı bir münaqişə mövcud deyil.

Bu tək Ermənistana aid məsələ deyil. Bu həm də Minsk qrupu həmsədrlərinə aid məsələdir.Artıq Dağlıq Qarabağ münaqişəsi deyiləcək münaqişə mövcud deyil. Ona görə mövcud olmayan məsələ barədə danışmağa da ehtiyac yoxdur. Bundan sonra ancaq bərpa prosesindən söhbət gedə bilər ki, bu da gələcək perspektivdə nəzərdə tutulub. Bu məsələdə isə Ermənistanın heç bir rolu yoxdur”.
Tarix: 23-12-2020, 13:08
Xəbəri paylaş


Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman

Sağlamlıq

Maraqlı

Maraqlı