“Mövqeyimizi ortaya qoymuşuq, dövlətlə, ordu ilə birlikdə olduğumuzu qeyd etmişik” - İsa Qəmbər


“Geosiyasi səbəblərdən yeni situasiya yaranıb. Hesab edirəm ki, Azərbaycan dövləti təhlükələrdən yayınmaq və imkanlardan istifadə etmək istiqamətində düzgün zamanda düzgün addımlar atmağa başlayıb. Bu addımların Türkiyə ilə birgə atılması uğuru təmin edir və edəcək”.

Pravda.az-ın xəbərinə görə, bunu Müsavat Partiyasının sabiq başqanı, Milli Strateji Düşüncə Mərkəzinin sədri İsa Qəmbər deyib.

“Hələ 1997-ci ildə təşəbbüsümüzlə siyasi partiyalar Dağlıq Qarabağ məsələsi ilə bağlı bəyannamə imzalamışdı. Sənədə müxalifət partiyaları olan Müsavat Partiyası və Azərbaycan Xalq Cəbhəsi Partiyası, o cümlədən hakimiyyətyönlü Ana Vətən Partiyası, hakim partiya – Yeni Azərbaycan Partiyası və digər partiyalar imza atmışdı. Sənəddə qeyd olunmuşdu ki, gerçək müharibə şəraiti yaranarsa, siyasi fəaliyyət məhdudlaşdırılacaq, güc xalqın potensialının səfərbərliyə alınmasına yönəldiləcək. Bu sənəd bu gün də qüvvədədir, heç bir siyasi partiya imzasından geri çəkilməyib. İstər Müsavat, istərsə də digər aparıcı müxalifət partiyaları mövqelərini bir daha ifadə ediblər. Öncədən qeyd etmişdik ki, uğur qazanmaq istəyən hakimiyyət milli birliyə tam nail olmalıdır. Sentyabrın 27-dən sonra da mövqeyimizi ortaya qoymuşuq, dövlətlə, ordu ilə birlikdə olduğumuzu qeyd etmişik. Bu, mövqe hansısa siyasi və ya şəxsi marağa görə deyil. Uğurların mümkün qədər çox olmasını istəyirik” – İ.Qəmbər qeyd edib.
Tarix: 24-10-2020, 09:24
Xəbəri paylaş


Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman

Sağlamlıq

Maraqlı

Maraqlı