“Erməni əsgərləri heç Qarabağ müharibəsinin mahiyyətini bilmir...”



“Erməni əsgərlərinin səksən faizi müharibəyə məcbur göndərilib. Bunlar isə kasıb erməni ailələrinin övladlarıdır. Varlıların isə övladları Amerikada və Fransada gəzirlər”

Bunu Moderator.az-a açıqlamasında hüquq müdafiəçisi Novella Cəfəroğlu deyib.

Hüquq müdafiəçisi ölkəmizin daim hərbi əsirlərlə xoş davrandığını və onlar üçün hər bir şərait yaratdığını bildirib:

“Azərbaycanın hərbi əsirlərlə davranış modeli bütün dünyaya bir nümunədir. Dünyaya göstərməliyik ki, biz müsəlman dövlətiyik və heç bir mülki və girov düşən şəxsə qarşı kobud rəftar etmirik. Ermənilər isə bizim guya əsirlərlə kobud rəftar etdiyimizi bütün dünyaya göstərmişdilər. Əsir düşən əsgərin də valideynləri var, onu da müharibəyə məcbur göndəriblər. Erməni əsgərlərinin səksən faizi müharibəyə məcbur göndərilib. Bunlar isə kasıb erməni ailələrinin övladlarıdır. Varlıların isə övladları Amerikada və Fransada gəzirlər. Mən inanmıram ki, onlarda bir Qarabağ ideologiyası olsun. Erməni əsgərləri heç Qarabağ müharibəsinin mahiyyətini bilmir. Vaxtilə ermənilərlə çox görüşürdük və onlar da deyirdilər ki, “biz müharibə istəmirik, biz azərbaycanlılarla qonşu olmuşuq”. Hələ bu 15 il öncə olan söhbətdir. Biz həmişə hümanist olmuşuq, silahsız, əsir düşən adamlarla xoş rəftar etməliyik. Biz yenə də bu davranışımızla ermənilərdən ucada durmalıyıq. Bütün dünyaya göstərməliyik ki, biz yox, ermənilər vəhşidir. Amma bununla yanaşı, tarixmizə nəzər salıb yadımızda saxlamalıyıq ki, ermənilər bizim düşmənimizdir. Biz düşmənə həmişə güzəştə getmişik, amma ermənilər bunu başa düşməyib. Bu gün hamımız Ali Baş Komandanın Qarabağ uğrunda başlatdığı əks-hücum əməliyyatını dəstəkləyirik”.
Tarix: 19-10-2020, 14:39
Xəbəri paylaş


Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman

Sağlamlıq

Maraqlı

Maraqlı