Deputatın adı qalmaqalda... - İTTİHAM


Milli Məclisin Səhiyyə Komissiyasının sədri, akademik Əhliman Əmiraslanovun adı nəinki Azərbaycanda, ölkəmizin hüdudlarından min kilometrlər uzaqlarda hörmətlə çəkilir. Dünyanın az sayda məşhur onkoloq-cərrahlarından olan Əhliman Əmiraslanov minlərlə onkoloji xəstələrə şəfa verib.
Amma təəssüflər olsun ki, Əhliman Əmiraslanovun adı həm də yaxın qohumlarının nalayiq hərəkətləri ilə də tez-tez mətbuat səhifələrində çəkilir.
Onun adına xələl gətirənlərdən biri də qardaşı- Azərbaycan Dövlət Mədəniyyət və İncəsənət Universitetinin nəzdindəki Bakı Humanitar Kollecinin direktoru Vaqif Əmiraslanovdur.
İki il əvvəl Nazirlər Kabinetinin orta ixtisas təhsili müəssisələri şəbəkəsinin optimallaşdırılması məqsədilə verdiyi qərara əsasən, bu müəssisələrdə təkrarlanmanın aradan qaldırılması, idarəetmənin, maliyyələşdirmənin, kadr hazırlığının səmərəsinin və keyfiyyətinin yüksəldilməsi məqsədi ilə bir neçə kollec bir-birinə, o cümlədən, Bakı Sosial Pedaqoji Kolleci Bakı Humanitar Kollecinə birləşdirildi. Bu proses bəzi assosiasiyalarla, eləcə də ixtisar olunan kadrların etirazı ilə müşayiət olundu. Amma nə dəyişsə də, əvvəllər Bakı Sosial Pedaqoji Kollecinə, sonradan isə birləşmiş müəssisəyə — Bakı Humanitar Kollecinə rəhbərlik edən Vaqif Əmiraslanovun korrupsiyaya əsaslanan iş metodu dəyişmədi ki, dəyişmədi.
Bu günlərdə Vaqif Əmiraslanov ənənsinə sadiq qalaraq yeni bir qalmaqala imza atıb. Kolleclər birləşəndən sonra V.Əmiraslanov 40-dək şəxsdən onları rəhbərlik etdiyi kollecdə müəllim və şöbə müdiri vəzifəsinə təyin edəcəyinə söz verərək 5000-20000 məbləşlərində pul alıb. Həmin şəxslərə guya onları əvvəlcə laborant kimi işə götürərək sonradan müəllim və ya digər vəzifələrə təyin edəcəyinə söz verib. Bir müddət sonra bu şəxslərin bəzilə həqiqətən müəllim və ya şöbə müdiri vəzifələrini icra etməyə başlayıblar. Lakin sonrada adi bir təsadüf əsl həqiqəti üzə çıxarıb. Belə ki, işçilərdən biri hansısa mağazadan kreditə nəsə almaq istəyəndə vəzifəsinin müəllim deyil xadimə olduğunun aşkara çıxarıb. Bundan xəbər tutan digərləri də yoxlamaq apararaq onların da kollecdə rəsmi olaraq xadimə və ya texniki işçi vəzifəsində işlədiklərini öyrəniblər.
Qeyd edək ki, kolleclərin direktorlarının işə yalnız xadimə və ya texniki işçi götürməyə səlahiyyətləri var. Müəllimlər və ya digər vəzifələrdə işləmək istəyənlər yalnız dövlər səviyyəsində keçirilən imtahanlarla seçilirlər.
Bu xəbər Mədəniyyət və İnsəcənət Universitetinin rektoru Ceyran Mahmudovaya da çatıb. O da öz növbəsində V.Əmiraslanova bu problemi dekabr ayına qədər yoluna qoymağı tapşırıb. Artıq V.Əmiraslanovun bəzi şəxslərin pullarını qaytardığı, onların bəzilərinin işdən çıxarıldığı deyilir.
Əldə etdiyimiz məlumata görə, V.Əmiraslanovun əslində bu çirkli pulları oğlunun killi-miqdarda olan borcunu qaytarmaq üçün alır.
Belə ki, bu ilin avqust ayında onun oğlu bağlı Baş Prokurorluqdan məlumat yayıldı. Bilıdirilirdi ki, Baş Prokuror yanında Korrupsiyaya qarşı Mübarizə Baş İdarəsində Emil Əmiraslanov barəsində Cinayət Məcəlləsinin 178.2.2-ci (təkrar dələduzluq törətmək), 178.2.4-cü (xeyli miqdarda ziyan vurmaqla dələduzluq törətmək) və 32.4, 312.2-ci (vəzifəli şəxs tərəfindən bilə-bilə qanunsuz hərəkətlər (hərəkətsizlik) etməyə görə ona rüşvət vermə və ya təkrar rüşvət verməyə təhrik etmə) maddələri ilə cinayət işi istintaq olunur. KİV-lərin yazdığına görə Emil Əmiraslanovun barəsində bir müddət əvvəl vətəndaş Tamella Fərzəliyeva tərəfindən də şikayət olunub. Şikayətçi bildirib ki, 115 250 manat civarında qızıl-zinət əşyaları götürüb və qaytarmayıb. İddiayaya görə, Emil Əmiraslanov həmin vəsaitin 30 000 manatlıq hissəsinin qarşılığında vasitəçilik xidməti təklif edərək iş görəcəyini vəd edib. Qalan böyük hissəsini isə borc kimi alaraq hər ay hissə-hissə, hər dəfə 10 000 manat qaytaracağını söz verib.
Məsələyə aydınələ də lıq gətirilməsi üçün sözü gedən kolleclə əlaqə saxladıq. Özünü direktor müavini kimi Namiq adlı şəxs N.Əmiraslanovun bu barədə yaxın günlərdə müfəssəl məlumat verəcəyini desə də, on gün kecməsinə baxmayaraq, hələ də susmağa davam edirlər.
Yuxarıda qeyd etdiyimiz kimi, Bakı Humanitar Kolleci Mədəniyyət və İncəsənət Universitetinin nəzdində fəaliyyət göstərir. Universitetin rektoru, tanınmış musiqişüna, sənətşünaslıq doktoru, professor Ceyran xanım Mahmudova isə məsələdən xəbərsiz olduğunu, ümumiyyətlə adının bu işdə hallanmasını istəmədiyini dedi. V.Əmiraslanovun aldatdığı şəxslərə isə Baş Prokuror yanında Korrupsiyaya qarşı Mübarizə Baş İdarəsinə müraciət etməyi məsləhət bildi.
Hörmətli Ceyran xanımın nəzərinə çatdırmağı özümüzə borc bilirik ki, V.Əmiraslanov bir başa onun işçisidir. Bu barədə də onda lazımi informasiyanın olmasından da xəbərimiz var.
Qarşı tərəfi də dinləməyə hazırıq. //aktualxeber.az//
Tarix: 9-12-2020, 16:30
Xəbəri paylaş


Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman

Sağlamlıq

Maraqlı

Maraqlı