"Milyonlar qazanan həmvətənlərimiz Rusiya telekanallarında niyə lobbiçilik etmirlər?" - Elçin Şıxlıdan HAQLI İRAD

"Milyonlar qazanan həmvətənlərimiz Rusiya telekanallarında niyə lobbiçilik etmirlər?"
“Cəbhədəki bütün əks-hücum əməliyyatları təqdirəlayiq və düzgün addımdır”.

Bunu KONKRET.az-a ordumuzun əks-hücum əməliyyatı ilə bağlı fikirlərini bölüşən Azərbaycan Jurnalistlər Birliyinin sədri, “Ayna”- “Zerkalo” qəzetlərinin baş redaktoru Elçin Şıxlı bildirib.

O, qeyd edib ki, Azərbaycan Respublikasının Prezidenti, Ali Baş Komandanın söylədiyi kimi biz əks-hücum əməliyyatlarını ermənilər işğal etdiyi ərazilərdən rədd olub getməyənə qədər davam etdirəcəyik:

“Bu, belə olmalıdır, olacaq da. Bir şeyi nəzərə almaq lazımdır ki, bir gündə 7 kəndimiz azad olunduqdan sonra biz gözləyirik ki, daha bir neçə yaşayış məntəqələri azad ediləcək. Amma ermənilər 30 il bizim torpaqlarımızda oturublar və bizdən zəif də olsa müqavimət göstərmək gücləri var. Anlamalıyıq ki, düşmən mənfurdur və hiyləgərdir. Xisləti o zaman sübuta yetirildi ki, Ermənistan ərazisindən və işöal bölgələrindən təkcə hərbi obyektlərimiz deyil, həm də yaşayış məntəqələrimiz, mülki əhalinin yaşadığı ərazilər raket və top atəşə tutulur. Bunun nəticəsində Ağdam rayonunda ata-oğul həlak olub. Bu, bir daha erməni xislətinin və vandalizmin göstəricisidir”.

Elçin Şıxlı söyləyib ki, ermənilər yalan və fake xəbərlər yayırlar:

“Bizim dinc əhalimizi atəşə tuturlar ki, insanlarımız arasında çaşqınlıq və qorxu yaransın. Amma görürük ki, insanlarımız heç nədən qorxmur. Hər bir vətəndaşımız ordumuzun yanındadır. Azərbaycan dövlətinin rəhbərinə və ordusuna güvənir. Məhz ona görə də heç yerə qaçmır. Bu, bizim əlimizə keçən ən gözəl məqamdır. Bu məqamdan da istifadə edib düşmənin burnunu ovmalı, onlara göstərməliyik ki, biz varıq, Sovet dövründə ov tüfənginə kimi əlindən alınan Azərbaycan deyillik. Biz kifayət qədər güclənmişik. Ordumuz da öz yerindədir və yüksək döyüş qabiliyyətinə malikdir. Ermənilər dünya ictimaiyyətini inandırmaq istəyirlər ki, bizə silahları verirlər. Xeyir, bu, belə deyil. Biz silahları öz vəsaitimiz hesabına alırıq. O cümlədən də Rusiyadan. Amma Rusiya silahları demək olar ki, Ermənistana bağışlayır. Biz İsraildən,Türkiyədən və digər ölkələrdən mümkün silahları alıb, ordumuzu gücləndirmişik”.

Azərbaycan Jurnalistlər Birliyinin sədri ermənilərin Rusiya kanallarında yalandan hay-küy saldığını da xüsusi vurğulayıb:

“Hay-küy salırlar ki, guya Türkiyə təyyarələri erməni təyyarələrini vurub. Əlavə deyirlər ki, guya türk pilotsuz təyyarələri Dağlıq Qarabağda erməniləri nişan alıb. Silahlar türk istehsalıdır, Türkiyənin deyil, Azərbaycan Ordusuna məxsusdur. Sadəcə pulumuzu verib o silahları almışıq. Bizim tanklarımızın əksəriyyəti Rusiya istehsalıdır. Onda desinlər ki, Rusiya tanklarıdır. Yəni ermənilər həmişə olduqları kimi öz xislətlərindədir. Bu gün Rusiyanın talk-şoularına baxanda görürsən ki, iki mövzudan biri Dağlıq Qarabağda gedən döyüşlərdir. Onları narahat edən də guya Türkiyənin döyüşlərə qatılmasıdır. Həmin verlişlərdə ən azı iki erməni ekspert iştirak edir.

O verilişlərdə iki azərbaycanlı gəncdən başqa Rusiyada olan soydaşlarımızı görə bilmirəm. Hərçənd ki, Rusiyada milyona və milyardlara sahib olan azərbaycanlılar var. Mütəxəsislərimiz də kifayət qədərdir. Amma mən onların heç birini televizyada görmürəm. Erməni lobbisinin boynuna atırlar ki, guya onlar imkan vermir. Amma mən buna inanmıram. Çünki bu qoyulan vəsaitə bağlıdır. Bizim orada milyonlar və milyardlar qazanan həmvətənlərimiz həmin kanallarda lobbiçilik edib, bizim mütəxəssislərimizi də o verilişlərə çıxara bilərlər. Təəssüf ki, bu işi görmürlər, amma Azərbaycandan nəsə lazım olanda o saat peyda olurlar. Hanı bizim çox təriflədiyimiz Qusmanlar. Niyə danışmırlar? Özlərinə nəsə lazım olanda hoppanıb, gəlirlər. Amma ölkəmizin belə günündə küncdə gizlənirlər”.
Tarix: 2-10-2020, 10:21
Xəbəri paylaş


Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman

Sağlamlıq

Maraqlı

Maraqlı