DGK-nin ARZUOLUNMAZ ADAMI: İqbal Babayev... - İLGİNC GƏLİŞMƏ...

DGK-nin ARZUOLUNMAZ ADAMI: İqbal Babayev...
Məlum olduğu kimi, Ukrayna Prezidenti Vladimir Zelenski bir sıra şəxslərə orden və medalların verilməsi haqqında sərəncam imzalayıb. Məlumata görə, mükafatlandırılanlar arasında Azərbaycan Dövlət Gömrük Komitəsi sədrinin müavini, Gömrük Xidmətinin general-mayoru İqbal Babayev də var. Ukrayna Prezidentinin sərəncamı ilə İ.Babayev “Əmək və şücaətə görə” medalı ilə təltif edilib.

Qeyd edək ki, İ.Babayev 1981-1986-cı illərdə Kiyev Milli İnşaat və Memarlıq Universitetində (KNUBA) oxuyub. 1986-1987-ci illərdə isə həmən universitetin istehsal proseslərinin avtomatlaşdırılması kafedrasında müəllim işləyib. 1987-1991-ci illərdə KNUBA-nın aspiranturasına qəbul olub və müəllimlik fəaliyyətini davam etdirib.

1989-cu ildə əldə olunan nəticələrin və elmi işlərin səmərəliliyinə görə “Ən yaxşı ixtiraçı” adına layiq görülüb.

DİA.AZ xatırladır ki, İqbal Babayev bu gün həqiqətən də işinin öhdəsindən gələn bir gömrükçüdür, amma hazırda DGK sədri Səfər Mehdiyev İqbal Babayevə qarşı anlaşılmaz bir savaş açıb.

Bu barədə DİA.AZ-a bildirilənlər: "Səfər Mehdiyev KİV-də "İqbal Babayev DGK sədri postuna gətirilir" xəbəri çıxandan dəli kimi olub və həmin andan İqbal Babayevi dışlamağa başlayıb".

Xatırladaq ki, bu barədə xəbəri də DİA.AZ olaraq diqqətlərə çatdırmışdıq.

Mənbə son olaraq bildirir:

"İqbal Babayev həqiqətən də işini bilən və bu gün Azərbaycan gömrüyünə lazım olan peşəkar kadrdır. Ukraynada oxuyub, müdafiə edib. Həqiqətən də çox savadlı mütəxəssisdir. Kompüter üzrə elmlər doktorudur. Gömrüyün AVİS priqramını o özü yığıb. Daha digərləri kimi saxta diplom alanlardan deyil... Yaxud da TQDK-dan qaçıb gedib Ukraynada oxuyanlardan deyil... DİA.AZ-da yer alan məqalədən sonra İqbal Babayevi tam "ofsayt"da qoyublar... Heç kəs qorxusundan onun qəbuluna getmir".

İddia olunanlarla bağlı bütün maraqlı tərəfləri dinləməyə hazırıq.. Əlavə bilgilərimiz olacaq. Bizi izləyin...
Tarix: 25-08-2020, 21:32
Xəbəri paylaş


Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman

Sağlamlıq

Maraqlı

Maraqlı