Partiya sədri Mirələmovu müdafiə etdi -Hüseynbala Mirələmov bizim çox hörmətli ziyalılarımızdan biridir


Sabiq deputat Hüseynbala Mirələmovun sosial şəbəkələrdə qeyri-etik videosu yayılıb. Görüntülərdə keçmiş deputat gənc xanıma qarşı biabırçı hərəkətlər edib. Bu, Mirələmovun onlayn tədbirə qoşulması zamanı baş verib. Sözügedən görüntülər qısa müddət ərzində sosial şəbəkələrdə geniş yayılıb və 75 yaşlı deputatın bu hərəkəti müzakirələrə səbəb olub. Ahıl yaşda birinin gənc xanıma qarşı bu cür davranışı birmənalı qarşılanmayıb.

Məsələ ilə bağlı söz adamlarının fikirləri öyrənilib. Xalq yazıçısı, Yazıçılar Birliyinin sədri Anar hadisədən məlumatlı olmadığını qeyd etdi: “Evimdə oturmuşam, işimlə məşğulam və internetə də girmirəm. Xəbərim yoxdu, görməmişəm. Görmədiyim video haqqında nəsə deyə bilmərəm”.

Xalq şairi, Milli Məclisin deputatı Sabir Rüstəmxanlı bu hadisənin mediada işıqlandırılmasının yanlış olduğunu bildirdi: “Bu görüntüləri yaymaq xəstə şüurun, anormal psxioloji durumun məhsuludur. Hüseynbala Mirələmov bizim çox hörmətli ziyalılarımızdan biridir. Yaxşı yazıçıdır, tanınmış şəxsdir. Bu qədər zəhmətə hörmət etməyib, xırda şeyi yaymaq nə dərəcə doğrudur? Hüseynbala Mirələmovun hərəkəti normal deyil, ancaq yayılması on qat anormal hərəkətdir və ayıbdır”.
News24.az
Tarix: 22-04-2021, 23:34
Xəbəri paylaş


Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman

Sağlamlıq

Maraqlı

Maraqlı