Rus turistlərin Azərbaycana axını: - Qiymət çox sərfəlidir

Rus turistlərin Azərbaycana axını:
Bu il Rusiya vətəndaşlarının yay tətili üçün Azərbaycanda erkən rezervasiyaları ötən illə müqayisədə 79% çoxdur. Rusiyalı turistlərin yay tətili üçün erkən rezervasiyaları Qazaxıstan, Tailand, İtaliyada və Gürcüstanda 3 dəfə, Belarusda 2 dəfə, Ermənistanda isə 68% artıb. Ümumiyyətlə isə, Rusiya vətəndaşlarının erkən rezervasiyaları 1 il əvvələ nisbətən ölkə daxilində 30%, xarici istiqamətlər üzrə isə 77% artıb. Bundan başqa, Azərbaycan bu il Rusiya vətəndaşlarının yay tətilini planlaşdırdıqları ölkələr arasında 6-cı pillədə qərarlaşıb. Həmçinin rusiyalı turistlərin yay tətilini planlaşdırdıqları ölkələr arasında ilk 10-luğa Belarus, Türkiyə, Gürcüstan, İtaliya, Ermənistan, Fransa, Tailand və Qazaxıstan daxildir.
Maraqlıdır, Rusiyadan gələn turistlər yay tətillərini niyə məhz, Azərbaycanda keçirməyə üstünlük verirlər?

Məsələ ilə bağlı "Sherg.az"a danışan turizm məsələləri üzrə ekspert Əziz Şiriyev bildirib ki, bu qiymətin sərfəli olması ilə əlaqəlidir:

"Yeni il başlamazdan öncə proqnozlaşdırmışdıq ki, Rüsiyalı turistlər daha çox Azərbaycana gəliblər. Ukrayna-Rusiya müharibəsi zamanı Türkiyə ilə əlaqələr də yaxşı deyildi. Həmin turistlər Azərbaycana daha çox axın etdilər. Azərbaycana səyahət dil baxımından da rahat olduğundan, onlar bizim ölkəni seçirlər. Yəni, Azərbaycanda əksəriyyət rus dilini bilir. Rusiyadan gələn turistlər rahatlıqla onlayn sistemlərdən evlər götürürlər. Hazırda Kazan istiqamətində gediş haqqı 200 manatdan yuxarıdır. Bir sözlə, çox münasib qiymətədir. Onlar düşərgələri tanıyırlar. Hətta,gəldikdə Nabranı soruşurlar. MDB ölkələrindən isə Naftalana çox sayda qonaqlar gəlir. Bu da sağlamlıqla bağlıdır".
Tarix: 18-01-2024, 22:03
Xəbəri paylaş


Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman

Sağlamlıq

Maraqlı

Maraqlı