Rusiyanın bəslədiyi “ilan” özünü vuracaq - “Ermənilər məqam gözləyirlər”


“Artıq İkinci Qarabağ müharibəsinin bitməsinə baxmayaraq, separatçı ordu dəstələri kiçik qruplarla Azərbaycan hərbçilərinə hücum etməyə davam edirlər. Məsələnin bu tərəfi aydındır ki, onlar məğlubiyyəti həzm edə bilmir və buna əsasən partizan müharibəsinə başlayıblar”.

Bunu “Şərq”ə açıqlamasında iqtisadçı-ekspert Rauf Qarayev deyib. O əlavə edib ki, dünyada rəsmi olaraq 13 erməni terror təşkilatı var:

“İlk dəfə bu terror təşkilatı Osmanlı imperiyasının parçalanması üçün qərbdə yaradılıb. Terror təşkilatları müxtəlif yerlərdə hətta keçmiş Sosialist Sovet Respublika İttifaqı ölkələrinin birlikdə olduğu zaman Moskvada bir sıra partlayışlar ediblər. Bundan əlavə, Azərbaycanda da, Birinci Qarabağ döyüşləri başlamazdan əvvəl və sonra da, bir sıra həmvətənimiz bu terror təşkilatının qurbanı olub. İkinci Qarabağ döyüşləri zamanı ermənilər ruslara deyirdilər ki, əgər bizə dəstək olmasanız sizin dövlət parçalanacaq. Əslində bunu bir çoxları zarafat kimi qəbul edirlər. Rusiya özü ermənilərin ağasıdır o nə edə bilər? Amma məsələyə daha geniş prizmadan baxaq. Açıq formada bu səslənməsə də Rusiya Qarabağda terror təşkilatının olmasında Türkiyənin günahlandırır. Hesab edir ki, bunun qarşısını almaq üçün Qarabağda onun olması vacibdir. Məlum olduğu kimi, Rusiya Qarabağa Qərbin və ABŞ-ın fikrini nəzərə almadan daxil olub. Yəni onların sülhməramlıların orda olması, gələcəkdə Rusiyanın daxilində böyük münaqişələrə gətirib çıxara bilər. Necə? Bəslədiyi ermənilərin əli ilə. Qarabağ müharibəsində Rusiyanın onlara kömək etməməsi və buna görə “Rusiya cavab verəcək” ifadəsi heç də təsadüfi səslənməyib”.

Ekspert qeyd edib ki, ABŞ və Qərb onsuzda Rusiyanın dağılmasında meyillidir:

“Ermənilər isə heyf çıxmaq üçün məqam gözləyirlər. Rusiyada 3 milyon erməni yaşayır. Bundan əlavə ermənilər Rusiyada geniş media imkanlarına və diaspora əlaqələrinə malikdirlər. Hətta rusların bir sıra tanınmış siyasətçilərini satın alıblar. Rusiyanı hissə-hissə məhv etmək üçün Qərb və xüsusən də ABŞ erməni terror təşkilatlarının əliylə Qarabağın özündə və Rusiyada ruslara "toy" tutması belə çox uzaqda deyil. Onların “200 il Azərbaycan torpaqlarında bəslədiyi ermənilər özlərinə qənim olacaq” fikri haqqında düşünmək üçün artıq vaxt belə yoxdur. Rusiyada yeni erməni dövlətinin yaranması xəyal deyil. Rusiya nəzarəti ələ almağa çalışsa da, bu indiki vəziyyətdə real görünmür. Azərbaycanda gözəl bir atalar sözü var: "Özgəsinə quyu qazan, sonda özü o quyuya düşər". İllərlə bizə quyu qazan, öz mənafələri üçün ermənidən alət kimi istifadə edənin durumunun hansı yerdə olmasını sadəcə zaman göstərəcək”.
Tarix: 30-12-2020, 21:54
Xəbəri paylaş


Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman

Sağlamlıq

Maraqlı

Maraqlı