BMT özünün 4 qətnaməsinə TÜPÜRƏCƏKMİ? - İmkansızdır...



Bu gün BMT Təhlükəsizlik Şurasının Dağlıq Qarabağla bağlı qapalı iclas keçirəcək.

Bildirilir ki, iclas Minsk qrupunun həmsədrləri olan Rusiya, Fransa və ABŞ-ın təşəbbüsü ilə keçiriləcək.

Məsələyə münasibət bildirən “Atlas” Araşdırmalar Mərkəzinin rəhbəri, politoloq Elxan Şahinoğlu Cebhe.info-ya açıqlamasında deyib ki, bundan öncəki müzakirələr hansı nəticəni verdisə, bu iclas da eyni nəticəni verəcək:

“Bu iscalda da çox guman ki, müharibəni necə dayandırmaq barədə fikirlər müzakirə olunacaq. Yenə də atəşkəs çağırışları səslənə bilər. Onların əllərində elə bir alət yoxdur ki, Azərbaycana təzyiq edib, prosesi dayandırsınlar. Sanksiya ilə bağlı da nə isə qəbul edilə bilməz. Mən bunu da istisna edirəm. Bundan öncəki müzakirələr hansı nəticəni verdisə, bu iclas da eyni nəticəni verəcək. Çünki gülməli olar ki, hazırda Azərbaycana nəsə qəbul etdirib, 90-cı illərdə özləri qəbul etdikləri 4 qətnaməni kənara qoymaq istəsinlər”.

Ekspert əlavə edib ki, BMT-nin Təhlükəsizlik Şurasının qəbul etdiyi 4 qətnamə yerinə yetirilmədən Azərbaycana qarşı hər hansısa təzyiqdən söhbət gedə bilməz:

“Əslində biz BMT-nin Təhlükəsizlik Şurasının keçirdiyi bu iclaslarda maraqlıyıq. Çünki hər dəfə biz onlara özlərinin qəbul etdiyi 4 qətnaməni xatırladacağıq. Bu qətnamələri kənara qoyub Azərbaycana müharibəni dayandırmaq üçün hər hansı bir sanksiya söhbəti ilə təzyiq göstərmək məntiqsiz olar. Hesab edirəm ki, bu danışıqların heç bir nəticəsi olmayacaq. Hər hansı sənədin də qəbul ediləcəyini guman etmirəm”.
Tarix: 19-10-2020, 14:26
Xəbəri paylaş


Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman

Sağlamlıq

Maraqlı

Maraqlı