Şəhid və qazi ailələrinin kredit borcuna necə yardım edək? - Natiq Cəfərlidən unikal təklif



Real Partiyasının icra katibi Natiq Cəfərli şəhid və qazi ailələrinin kredit məsələsi ilə bağlı təklif səsləndirib.

Musavat.com xəbər verir ki, N.Cəfərli mağazalarda krediti olan şəhid və qazi ailələrinin yükünü dövlətə yükləməyin doğru olmadığını yazıb: "Dövlətin xərci çoxdur, xalq olaraq iştirakçı olaq: Bütün şəbəkə mağazalarda, haradan şəhid və qazi ailələri kredit götürüb, həmin mağazalardan biz əşya alanda müqaviləyə hər 50 manata 1 manat ayrıca ödəniş bəndi salaq - həmin 1 manat şəhid və qazi ailələrinin kreditinin qapanmasına yönəlsin.

Banklarda isə ikili yanaşma lazımdır: Dövlət özəl banklara göstəriş verə bilməz, ona görə də, şəhid və qazi ailələrinin kreditlərini tam bağlayan banklara 1% vergisi güzəşti edir, vətəndaş olaraq biz də hər 1000 manat kreditə gələn faizin üzərində 1 manat əlavə ödəniş edək və bu da müqavilələrdə göstərilsin. O ailələrə xalq olaraq edə biləcəyimiz ən kiçik iş məhz budur. Allah Əsgərimizi və Ordumuzu qorusun! Eşq olsun!"
Tarix: 21-10-2020, 20:11
Xəbəri paylaş


Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman

Sağlamlıq

Maraqlı

Maraqlı