"Azəriqaz"ın növbəti sayğac DƏLƏDUZLUĞU - Təzəni aparıb yerinə köhnə qoşurlar

"Azəriqaz"ın növbəti sayğac DƏLƏDUZLUĞU
"Qazımız əvvəl smart kartla idi. Bir neçə gün öncə "Azəriqaz" İstehsalat Birliyinin əməkdaşları gəlib, ev sahiblərinə xəbər vermədən sayğacı dəyişdirib, qazı da bağlayıb gediblər. Nə istifadə qaydası deyilib, nə də təlimat və sayğac nömrəsi verilib. Qanunsuz iş görüblər, mənə aktla təhvil verilməyən, məndən xəbərsiz dəyişdirilən sayğaca cavabdeh deyiləm. Sayğacın aktı gətirilməliydi və mənə təhvil verilməliydi.

Dominant.az xəbər verir ki, bunu Bakı sakini Elyar İslamoğlu bildirib.

Şikayətçi, müasir smart tipli qaz sayğacının onlara xəbər verilmədən köhnə model qaz sayğacı ilə əvəz edilməsinin səbəbini isə bilmir: "Müasir sayğac şəffaf idi, köhnədən çox fərqlənirdi. Yəqin ki, bu sayğaclarda yeyinti edə bilmirdilər deyə, müasir sayğacı dəyişərək yerinə köhnə model qoyublar".

Dominant.az məsələyə aydınlıq gətirmək üçün "Azəriqaz" İstehsalat Birliyi ilə əlaqə saxlayıb. Qurumun mətbuat xidmətinin rəhbəri Ceyhun Səfərov bildirib ki, sayğacların dəyişdirilməsi yeni hadisə deyil: “Biz beş ildən bir dövlət yoxlanışı müddəti başa çatan sayğacların dəyişdirilməsini həyata keçiririk. Bir qayda olaraq əhali abonent qrupunda sayğaclar 5 ildən bir açılaraq dövlət yoxlanışına gedir və “Azəriqaz” İstehsalat Birliyinin müvafiq departamentində xüsusi lövhələrə qoşulmaqla sayğacın daxili qüsurları öyrənilir".

"Qeyri-əhali abonentlər üçün isə dövlət yoxlanışın müddəti sayğaclarda üç ildən bir icra edilir. Əvvəlcə kamera ilə vizual baxış olur, daha sonra isə lövhələrə qoşulmaqla ən xırda incəliklərinə qədər sayğacın işlək vəziyyətdə olub-olmaması araşdırlır. Yəni bu, “Azəriqaz” İstehsalat Birliyi üçün çox vacib məsələdir ki, aldığımız tenderin qalibi olmuş istehsalçı şirkətin bu sayğacları bizim tələblərə uyğun işlədib, istehsal edib-etməməsini bilək”, - deyə C.Səfərov əlavə edib.

Qurumun sözçüsü vurğulayıb ki, bu yoxlanış prosesi abonentlərin özlərinin də marağında olmalıdır ki, “Azəriqaz” tərəfindən quraşdırılmış qaz ölçü qurğuları hansı vəziyyətdə olduğunu bilsinlər.

C.Səfərov kohnə model qaz sayğaclarının quraşdırılmasına da aydınlıq gətirib: "Köhnə qaz sayğacı ifadəsi düzgün deyil. Çünki sadəcə smart kart tipli sayğac çıxarılıb, yerinə “mexaniki” tipli sayğac quraşdırlır. Ona görə ki, hazırda biz smrat kart tipli sayğacların alışını olduqca aşağı salmışıq və pandemiyanın dünya enerji bazarında yaratdığı dəyişiklikərə, iqtisadi təsirlərə görə xərclərimizə yenidən baxmalı olmuşuq. Xərclərimizə baxdıqda isə smart kart tipli sayğacların əvəzinə, “mexaniki” tipli sayğacların alınmasına üstünlük verdik. Çünki “mexaniki” tipli sayğacların sayğac komplekti 70-90 manat arasında dəyişirsə, bu “smart” kart tipli sayğac komplektində 220-240 manat edir. Ona görə də “mexaniki” tipli sayğacların alışı daha sərfəli olduğu üçün bunlara üstünlük verilir”.

“Fərdi yaşayış evlərdində də “smart” kart tipli sayğac “mexaniki” tipli sayğacla əvəz olunursa, bu, o demək deyil ki, ora köhnə sayğac qoyulur. Əksinə, mənzil yeni “mexniki” sayğacla təmin edilir. Bundan isə heç kim narahat olmamalıdır. Çünki hər iki sayğacın funksiyası eynidir. Hər iki sayğac eyni işi görür. Əksinə, “mexaniki” tipli sayğacların bir üstün cəhəti də var ki, onlayn ödəniş mümkündür. Amma biz bunu smart tipli sayğaclarda edə bilmirik. Çünki smart kart tipli sayğaclar istehsalçı şirkət tərəfindən oflayn istehsal edilib. Amma “mexaniki”də onlayn ödəniş mümkündür. Eyni zamanda, abonentə bildiriş alandan sonra 30 gün möhlət hüququ verilir”, - deyə müsahibimiz vurğulayıb.

C.Səfərov onu da bildirib ki, smart kart sayğaclar dəyişərkən üzərində qalan məbləğ köçürmə yolu ilə abonentin balansına yüklənir: “Yəni abonent “mexaniki” sayğaca pul yükləyəndə həmin smart kartda qalan məbləğ nəzərə alınır. Bu da sayğac dəyişdirilməsindən minimum 10, maksimum 30 gün ərzində icra edilir”.

"Azəriqaz"ın növbəti sayğac DƏLƏDUZLUĞU
"Azəriqaz"ın növbəti sayğac DƏLƏDUZLUĞU

 
Tarix: 11-08-2020, 09:59
Xəbəri paylaş


Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman

Sağlamlıq

Maraqlı

Maraqlı