FHN şefinin "tifağı dağılacaq"... - Belə deyirlər...



Prezident İlham Əliyevin daha səmərəli idarəetmə sahəsində apardığı struktur islahatları çərçivəsində ölkənin ən nəhəng və çoxşaxəli nazirliklərindən biri olan Fövqəladə Hallar Nazirliyinin (FHN) ləğvi üçün hazırlıqlar aparılır.

Bu barədə PİA.az-ın hökumətə yaxın mənbələrdən əldə etdiyi bilgiyə görə, dövlət başçısının başlatdığı və idarəçiliyin daha səmərəli və çevik təşkilinə yönəlmiş struktur islahatlarının növbəti hədəfi Fövqəladə Hallar Nazirliyi olacaq. İslahat layihəsinə görə, FHN parçalanaracaq, bir çox xidmətlər, ya ayrı-ayrı qurumlara birləşdiriləcək, ya da publik hüquqi şəxslərə çevriləcəklər.

Hazırlanmış ləğv proqramına görə, hərbi profilli qurumlar Müdafiə Nazirliyinə veriləcək.

Tikintiyə, Dağ-Mədən Sənayesinə Nəzarət xidmətləri müstəqil publik hüquqi şəxsə çevriləcək.

Eyni zamanda, proqramda Yanğına Nəzarət Dövlət Agentliyinin yaradılması planlaşdırılır. Mühafizə xidmətlırinin isə vahid publik hüquqi şəxsin tərkibində birləşdirilməsi gözlənilir.

Sularda Xilasetmə və Kiçik Həcmli Gəmilərə Nəzarət Xidmətinin, həmçinin Dəniz-hövzə Xilasetmə xidmətinin isə Xəzər Dəniz Gəmiçiliyinə verilməsi nəzərdə tutulur.

Mənbə bildirib ki, FHN-nin başqa qurumları da əlaqədar qurumların tərkibinə daxil ediləcək və yaxın aylarda bütün bu islahatlar tədricən həyata keçiriləcək.

Fövqəladə Hallar naziri, general-polkovnik Kəmaləddin Heydərovun sonrakı taleyinin necə olacağı barədə dəqiq məlumat verilmir.
Tarix: 1-03-2021, 14:15
Xəbəri paylaş


Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman

Sağlamlıq

Maraqlı

Maraqlı