Sonun başlanğıcı: Ermənistan borc bataqlığında - Müharibə aparmağa da gücləri yoxdur...

Sonun başlanğıcı: Ermənistan borc bataqlığında
Xəbər verdiyimiz kimi, Azərbaycan Respublikasının Prezidenti İlham Əliyev “COVID-19 dövrü və sonrakı dönəmdə Dayanıqlı İnkişaf Məqsədlərinin 2030-cu il Gündəliyinin maliyyələşdirilməsi” mövzusunda dövlət və hökumət başçılarının toplantısında videoformatda çıxışı zamanı bildirib ki, Azərbaycanın xarici dövlət borcu dünyada ən aşağı səviyyələrdədir, ümumi daxili məhsulun təqribən 20 faizini təşkil edir: "Bu göstəriciyə görə Azərbaycan dünyada 9-cu yerdədir. Neft ixrac edən dövlətlər arasında ən az xarici dövlət borcu olan Azərbaycandır. Azərbaycanın valyuta ehtiyatları xarici dövlət borcundan 6 dəfə çoxdur".

Maraqlıdır ki, Ermənistanın xarici borcu nə qədərdir?

Cebhe.info xəbər verir ki, Ermənistanın Maliyyə Nazirliyinin cari ilin birinci yarısının nəticələri üzrə açıqladığı statistik göstəricilərə əsasən, bu ölkənin ümumi dövlət borcu 7 milyard 721 milyon ABŞ dollarına çatıb. Nəzərə alaq ki, işğalçı ölkənin cari il üçün dövlət büdcəsinin gəlirləri 1,7 trilyon dramdır (3,5 milyard dollar). Bu isə o deməkdir ki, xarici borc dövlət büdcəsindən 2 dəfədən çoxdur.

Dövlət borcunun da 5 milyard 984 milyon dollarlıq hissəsi xarici borcun payına düşür. Dünyanın nüfuzlu Dövlət Borcunun İdarəedilməsi Şəbəkəsi (PDMN) isə bu ilin iyul ayının sonunda Ermənistanın maliyyə təhlükəsizliyinin təhdidlə üzləşməsi barədə material paylaşıb.

PDMN-in yaydığı materialda qeyd olunub ki, Ermənistanım ümumi dövlət borcunun 80 faizi xarici valyutadadır və hazırda Ermənistanın xarici borcu maliyyə təhlükəsizliyi üzrə bütün normaları aşıb. Bu isə ölkənin ÜDM-in 42 faizi civarındadır. Qeyd edək ki, ümumi dövlət borcunun ÜDM-ə nisbəti son dövrlər davamlı olaraq artmaqdadır.

Belə ki, 2015-ci illə müqayisədə ümumi dövlət borcunun ÜDM-ə nisbəti 48 faizdən 54 faizə, xarici dövlət borcunun ÜDM-ə nisbəti isə 40 faizdən 42 faizədək artıb. Dünya Bankı dövlət borcunun ÜDM-ə nisbəti göstəricisinin qarşıdakı dövrdə daha da pisləşəcəyini və ilin sonuna 57,2 faizə çatacağını proqnozlaşdırıb. PDMN-in rəsmi səhifəsində yerləşdirilən məlumatda deyilir ki, maliyyə təhlükəsizliyi, bütövlükdə iqtisadi təhlükəsizliyi təhdid altında olan bir ölkənin Azərbaycana qarşı provokasiyalara getməsi sonun başlanğıcıdır.

Ümumiyyətlə, hər cəhətdən Azərbaycandan geri qalan işğalçı Ermənistan iqtisadiyyatı hər il tənəzzülə doğru gedir. Belə ki, 2019-cu ildə Ermənistanın İqtisadi İnkişaf Təşəbbüsləri Mərkəzi hökumətin xarici borcunun 2018-ci illə müqayisədə təqribən 338.7 milyon ABŞ dolları artaraq təxminən 5.43 milyard ABŞ dolları təşkil etdiyini açıqlayıb. Kommersiya bankları tərəfindən qeyri-rezidentlərdən cəlb olunmuş kreditlər isə üzrə xarici borc ötən illə müqayisədə 618.8 milyon ABŞ dolları artaraq 3.13 milyard ABŞ dolları təşkil edib. Beləliklə, görünən budur ko, 2019-cu ildə Ermənistanın ümumi dövlət borcu 6 faiz artdığı halda, təkcə cari ilin 6 ayı ərzində bu göstərici 5 faiz, xarici borc isə 4,6 faiz artım göstərib.

Ermənistanda küçədən hakimiyyətə Nikol Paşinyan xalqının problemlərini həll etmək gücündə olan bir şəxs deyil. Tam əksi, son 2 il ərzində onsuz da geridə olan erməni iqtisadiyyatı bir az daha geriləyib.

Məşhur iqtisadçılar da bildirir ki, bu iqtisadi gerilik Ermənistanı defolt böhrana sürükləyir. Çünki ölkənin ehtiyaclarını ödəyə bilməyən Paşinyan hakimiyyəti xarici borcları da ödəmək gücündə deyil. Erməni analitiklərin özləri də ölkə iqtisadiyyatının zəifliyindən gileylənirlər.

Məsələn, analitik Ayk Qevorkiyan bildirir ki, Ermənistan borc ilə yaşayan dövlətlər siyahısına daxil olub ki, bu da onun müstəqil siyasət aparmasına imkan vermir. Hökumət Avropa banklarından borc alaraq Beynəlxalq Valyuta Fonduna olan borcunu ödəyir, Dünya Bankından borc alaraq Avropa banklarına olan borcunu ödəyir. Hazırda Ermənistan hökuməti xarici borclarını borc alaraq ödəyir və bu hal iqtisadiyyatın daha da pis vəziyyətə düşəcəyindən xəbər verir.
Tarix: 30-09-2020, 14:05
Xəbəri paylaş


Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman

Sağlamlıq

Maraqlı

Maraqlı