Koronavirusa yoluxmuş şəxslərə ... - Həkimdən AÇIQLAMA


Dünya artıq koronavirus xəstəliyinin öhdəsindən gəlməyə çalışır.

Əksəriyyət üçün bu xəstəlik yüngül keçir, lakin bəzi insanlar üçün eyni hal baş vermir. Xəstəlikdən zərər çəkənlər virusa yoluxub sağaldıqdan sonra səhhətində bir neçə problemin yarandığını deyir. Həmçinin virusdan sonra səhhətinin yaxşılığa doğru irəlilədiyini deyənlər də az deyil.

Həkim-terapevt Rasif Bağırov Bizim.Media-ya açıqlamasında virusa yoluxan şəxslərə sevindirici xəbər verdi:

“Koronavirusa yoluxub sağalan şəxslərin səhhətində ciddi şəkildə mənfiyə doğru dəyişikliklər müşahidə olunmur. Əksinə, əgər edilən müalicə düzgün şəkildə aparılıbsa, xəstənin özündə olan digər xəstəliklərə də faydalıdır. Demək olar ki, virusa yoluxub sağalanlarda əks göstərişlər müşahidə olunmayıb. Sadəcə bir müddətlik iybilmə və dadbilmə problemləri yaşaya bilərlər. Bu da tədricən bərpa olunandır”.

Həkim sadəcə şəkərli diabetdən və hipertoniyadan əziyyət çəkən şəxslərə diqqətli olmalarını bildirdi:

“Şəkərli diabetdən və təzyiqdən əziyyət çəkən şəxslər xəstəliyi daha ağır keçirirlər. Lakin müalicə düzgün aparıldığı təqdirdə, koronavirus onların da səhhətində qalıcı problemlər yaratmır”.
Tarix: 25-11-2021, 10:26
Xəbəri paylaş


Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman

Sağlamlıq

Maraqlı

Maraqlı