Qubad İbadoğlu SOCAR-ı təqdir etdi... - "...öz hesabatlarını auditor yoxlamasından keçirir"

Qubad İbadoğlu SOCAR-ı təqdir etdi...
"Dövlət şirkətlərinin mühasibatlığı bərbad vəziyyətdədir. Çünki onların uçotu, qeydiyyatı, hesabatı yoxdur və beynəlxalq standartlara uyğun deyil. Lakin digərlərindən fərqli olaraq, SOCAR-ın hesabatları onun saytında mövcuddur".

Sfera.az xəbər verir ki, bunu Azərbaycan Demokratiya və Rifah Hərəkatının sədri, iqtisadçı ekspert Qubad İbadoğlu internet kanallarının birinə müsahibəsində deyib. O bildirib ki, bir çox qurumların saytında onların hesabatlarına rast gəlmək olmur, SOCAR isə hər il öz hesabatlarını auditor yoxlamasından keçirir və saytında yerləşdirilir:

"SOCAR təxminən bir ay əvvəl ötən ilin hesabatını saytında yerləşdirib. Digər şirkətlər barəsində isə bunu demək mümkün deyil".

Ekspert vurğulayıb ki, SOCAR daha böyük həcmdə sərmayələri həyata keçirdiyi üçün hesabatları daha tez dərc edir: "Qurumdan tələb olunur ki, beynəlxalq səviyyədə tanınmış auditor yoxlamasından keçsin və onun nəticələrini dərc etsin. Bu baxımdan SOCAR sözügedən fəaliyyətləri digərləri ilə müqayisədə daha tez edib, auditor yoxlamalarını keçirərək hesabatlarını dərc edib".
Tarix: 10-08-2020, 09:14
Xəbəri paylaş


Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman

Sağlamlıq

Maraqlı

Maraqlı