Sabirabad səhiyyəsi İFLİC DURUMDA... - ARAŞDIRMA BAŞLAYIR?


Bir neçə gün öncə Sabirabad rayonunda səhiyyə sistemində baş verən neqativ məqamlar və müəmmalı kadr təyinatları ilə bağlı bilgilər vermişdik. Bildirmişdik ki, həqiqi həkim peşəsinə sahib olduqları belə şübhələr yaradan bir sıra insanlar kimlərinsə himayəsi altında vəzifəyə təyin edilirlər.

Qeyd etmişdik ki, rayonda baş həkim Ənvər Lümanovun ətrafında formalaşmış bir çete var. Bu qrup halında fəaliyyət göstərən səhiyyə işçisi olan şəxslər özləri üçün kadrları yerləşdirir, onları vəzifəyə təyin edir və nəticə etibarilə də yaxşı qazanırlar. GUNDEMİNFO.AZ-a daxil olan informasiyaya əsasən prossesin mərkəzi Sabirabad Şəhər Poliklinikasıdır. Bu səhiyyə ocağında xüsusi komissiyalar fəaliyyət göstərir. Komissiyalar vasitəsilə müraciət edən vətəndaşlara xəstəlik, əlillik, dərəcələri verilir. Şəhər Poliknikasında fəaliyyət göstərən Əlilliyin təyin olunması məqsədilə Tibbi-sosial ekspert komissiyası yaradılıb.

Bildirmişdik ki, Sabirabad Şəhər Poliklinikasında formalaşdırılmış bu komissiyada təmsil olunanlar arasında təhsili ilə bağlı şübhələr ortada olan həkimlərdən biri də Namiq Niftəliyevdir. N.Niftəliyevin tibbi təhsili ilə bağlı məlumata keçməzdən əvvəl qeyd edək ki, onun komissiyada təmsil olunması da təsadüfi deyil. Belə ki, Namiq Niftəliyevin Tibbi-sosial ekspert komissiyasında təmsil olunmasında birbaşa rolu olan şəxs Sabirabad Şəhər Poliklinikasının baş həkimi Əlişirin Əliyevin rolu var.

Və GUNDEMİNFO.AZ olaraq bu mövzu ilə bağlı bir sıra araşdırmzlar apardıq. Məlum oldu ki, komissiyada exo-kardioloq kimi fəaliyyət göstərən Namiq Niftəliyev əslində indiyə qədər ailə həkimi olaraq fəaliyyət göstərib. Tibbi kadrların təyinatı ilə bağlı olaraq müvafiq əsasnamələrin tələblərinə əsasən isə Namiq Niftəliyev ailə həkimi olaraq Tibbi Ekspert Komissiyasında vəzifə tuta bilməz. Bundan başqa bir zamanlar Beynəlxalq Universitetə müəmmalı şəkildə daxil olan adıçəkilən şəxs daha sonra Odlar Yurdu Universitetinin tibb fakultəsinə köçürmə alır. Köçürmədən sonra isə Odlar Yurdu Universitetində tibbi təhsili başa vurararq Sabirabada gələrək özünə Şəhər Poliklinikasında iş tapır. Nəticə etibarilə də yüksəlməyə başlayır. Yüksəlişinin əsas himayədarı da Şəhər Poliklinikasının baş həkimi Əlişirin Əliyev olur. Əlişirin Əliyev bir zamanlar rayonun baş həkimi Əziz Mikayılovun müsbət rəyini alaraq qohumlarını həkim kimi vəzifəyə yerləşdirə bilib. Məhz bundan sonra da rayonun əsas Tibbi Ekspert Komissiyasında da adamlarını yerləşdirə bilib.

Saytımıza daxil olan məlumata əsasən komissiyanın tərkibi ilə bağlı artıq TƏBİB də araşdırmalara başlayıb. Məlumatlara əsasən bununla bağlı olaraq rayonun baş həkiminə məlumat verilib. Baş həkim də öz növbəsində tez-tələsik olaraq komissiya üzvlərini məzuniyyətə yollamaq istəyir. Prosseslərin gedişi ilə bağlı olaraq əlavə bilgi veriləcək.

Qarşı tərəfin də mövqeyini dinləməyə hazırıq.
Tarix: 5-02-2021, 21:51
Xəbəri paylaş


Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman

Sağlamlıq

Maraqlı

Maraqlı