Gün o gün olsun ki 20 illiyinizi qeyd edəsiniz... - Bütün maneələrdən yayınan başçı...

Gün o gün olsun ki 20 illiyinizi qeyd edəsiniz...
İsaqov Malik Xızır oğlu...Bu ad-soyad ictimaiyyətə və oxuculara ola bilsin ki, heç nə demir... DİA.AZ bildirir ki, M.İsaqov 2001-ci ildən Qubadlı rayon icra başçısıdır.

Mərhum prezident Heydər Əliyevin hakimiyyəti dönəmindən Qubadlı rayonuna rəhbərlik edən M.İsaqov 19 ildir ki, bir rayona icra başçılığı etməkdədir. “Gözdən iraq, könüldən uzaq” olmağı bacaran icra başçısının yerinə gənc bir kadr 19 il ərzində tapılmayıb ki, Qubadlıya yeni nəfəs olsun.

M.İsaqov 19 illik fəaliyyəti dövründə rayonu elə idarə edib ki, büdcədən ayrılan pullar düşmən işğalında olan Qubadlının “abadlaşması” üçün xımır-xımır mənimsənilib.

Qəribədir ki, geridə qalan 19 il ərzində əksər rayonlarda icra hakimiyyəti başçıları dəyişib, əvəzlənib, yerdəyişmələr aparılıb. Deyəsən, M.İsaqov Qubadlıya ömürlük təyin olunub.

Qeyd edək ki, Rayon əhalisi respublikanın 41 müxtəlif şəhər və rayonunda məskunlaşıb. Malik İsaqovun büdcə pullarını necə asanlıqla həzm-rabedən keçirdiyini elə bu faktdan təzmin etmək o qədər də çətin deyil. 41 şəhər və rayonda Malik İsaqovu təqib etmək olduqca çətindir.

Elə buna görədir ki, İsaqov 19 ildir görəvdədir. Yaşı da 67-dir, yəni zamanında "yaş senzi" ələməsindən də ustaıqla yayına bilib.

Nə deyirik... Görünür, layiqli və əvəzolunmaz kadrdır... Biz düşəni isə Malik müəllimə xoş sözlərimizi diləmək qalır: Gün o gün olsun ki vəzifə başında 20 illiyinizi qeyd edəsiniz...
Tarix: 17-08-2020, 09:55
Xəbəri paylaş


Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman

Sağlamlıq

Maraqlı

Maraqlı