Paşinyan istəyir ki, Rusiya onların yerinə vuruşsun - “Psixoloji sarsıntıları var...”

"İrəvan istəyir ki, Rusiya onun əvəzinə vuruşsun”

Bu sözləri Sfera.az-a açıqlamasında Ermənistan baş naziri Nikol Paşinyanın Rusiya Prezidenti Vladimir Putinlə son telefon danışığı zamanı növbəti dəfə yalvarışla nəyəsə nail olmaq istəməsinə toxunarkən politoloq İlqar Vəlizadə deyib:

"Paşinyan bu sayaq davranışlarıyla artıq məntiqi tam itirdiyini, psixoloji sarsıntılar içində olduğunu sərgiləyir. Bu insana neçə dəfə deyilib, başa salınıb, şərtlər irəli sürülüb. Amma yenə də Paşinyan yalvarmaqda davam edir.

Bu yanaşma tərzi, yalvarışlar ondan xəbər verir ki, Ermənistan müharibədə özünün əvəzinə Rusiyanın vuruşmasını istəyir. Artıq tam şəkildə aydındır ki, Ermənistan acızdir, Azərbaycan Ordusu qarşısında heç nə edə bilmir. Buna onun gücü, silah-sursatı, habelə səriştəsi, bacarığı, ağılı və məntiqi çatmır. Ona görə də İrəvan artıq geri çəkilərək, meydanı Rusiyaya vermək istəyir”.

İ. Vəlizadənin fikrincə, Paşinyanın yalvarışlarına rəğmən Moskva onun yerinə vuruşmayacaq: "Rusiya da başa düşür ki, prosesə qoşulsa, son nəticədə Azərbaycanı dəstəkləyən ölkələrlə, ilk növbədə Türkiyə ilə üz-üzə gəlməli olacaq. Bu isə Rusiyaya lazım deyil”.

Politoloq deyir ki, bu vəziyyət Paşinyanın tamamilə xəstə olduğunu göstərir:

"Paşinyan belə qeyri-adekvat, məntiqsiz hərəkətlərilə prosesi dərk edə bilmədiyini, qavramaq gücündə olmadığını ortaya qoyur”.
Tarix: 3-11-2020, 16:02
Xəbəri paylaş


Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman

Sağlamlıq

Maraqlı

Maraqlı