KTN bu gün başdan-başa korrupsiyalaşıb... - İnam Kərimov büdcə pullarını DAĞIDIR


Kənd təsərrüfatı naziri postunda dəyişiklik gözlənilir. Bu barədə DİA.AZ-a mötəbər mənbələrdən informasiya daxil olub. Xəbəri verən qaynaq iddia edir ki, ilk günlərdən özünü heç də uğurlu şəkildə ifadə edə bilməyən İnam Kərimov yalnız və yalnbız büdcə vəsaitlərini səmərəsiz formada sağa-sola səpələməsi ilə diqqətə gəldi. Böyük həcmdə pullar hesabılna xaricdən məsləhətçi gətirməsindən tutmuş, dövlət adından KTN-nin inkişafına ayrılan pulların dağıdılmasına hesablanmış bütün addımları nəhayətdə İnam Kərimovun gedişini labüdləşdirməkdədir.

Xatırladaq ki, İnam Kərimovdan fərqli olaraq onun qardaşı Mətin Kərimli artıq vəzifəsindən azad edilib və bu faktın özü də KTN şefinin mövqelərinin kifayət qədər kövrəkliyindən xəbər verməkdədir. Qeyd edək ki, Mətin Kərimlinin bir müddət əvvəl Əmək və Əhalinin Sosial Müdafiəsi nazirinin müavini vəzifəsindən azad olunması ilə bağlı məlumatların yenicə məlum olması ictimaiyyətdə müzakirələrə səbəb olub.



Bununla bağlı mətbuatda yayılan məlumata görə, M.Kərimlinin 14 ay əvvəl tutduğu postdan uzaqlaşmasına baxmayaraq, onun vəzifədən azad edilməsi ilə bağlı informasiya ictimaiyyətə həmin günlərdə təqdim edilməyib. Nazir müavininin vəzifədən ayrılması xəbəri gizli qalsa da, sonradan – 2021-ci ilin fevralında üzə çıxıb. Beləliklə, 2014-cü ilin fevralından nazir müavini postunu tutan M.Kərimli 2019-cu ilin dekabrında Beynəlxalq Əmək Təşkilatının (BƏT) Sakit Okean hövzəsi ölkələri üzrə Ofisinin Direktoru vəzifəsinə təyin olunub. O, 2020-ci ilin yanvar ayının sonunda yeni vəzifəsində fəaliyyətə başlayıb.

Dia.az danışan mənbə bildirir ki, İnam Kərimov yeni komandanın nümayəndəsi olmasına rəğmən onun barəsində hətta həbs qərarı da verilə bilər: "Bu gün KTN ciddi şəkildəı təftiş olunsa, onlarla yeni kadrın BÖYÜK YEYİNTİSİ İFŞA OLUNAR. Bununla bağlı faktlar hətta mətbuatda da var. Tək qalanı müvafiq qurumların hərəkətə keçməsidir".

Mənbə iddia edir ki, yaxın günlərdə İnam Kərimovun məsələsi tam olaraq bəlli olacaq...
Tarix: 25-02-2021, 15:29
Xəbəri paylaş


Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman

Sağlamlıq

Maraqlı

Maraqlı