Ankara hesablayır, Bakı əsəbiləşir: Paşinyan niyə problemə çevrildi?

Ermənistanda seçki keçirildi. Paşinyan qalib gəldi.
Türkiyə sakit və müsbət reaksiya verdi.
Azərbaycanın dövlətə bağlı mediası isə faktiki olaraq anti-Paşinyan kampaniyasına başladı.
Bu, emosional fərq deyil.
Bu, maraqların toqquşmasıdır.
Türkiyə üçün Paşinyan ideal variantdır.
Çünki o:
Türkiyə ilə sərhədi açmağa hazırdır
regionu iqtisadi layihələrə inteqrasiya etmək istəyir
Rusiya asılılığını zəiflədir
Ankara üçün bundan yaxşı Ermənistan ola bilməz.
Türkiyə dövlət kimi düşünür.
Ona nəticə lazımdır.
Bakı isə başqa şeyə öyrəşmişdi.
Uzun illər Ermənistan zəif, parçalanmış və reaksiya verən tərəf idi.
İndi isə Paşinyan bu modeli dağıdır.
O, müharibəni bağladı.
Revanşizmi kənara qoydu.
Dövləti toparlamağa başladı.
Bu isə artıq problem yaradır.
Çünki zəif qonşu rahatdır.
Stabil qonşu isə rəqibdir.
Azərbaycan mediasının isterik reaksiyası da buradan gəlir.
Paşinyanı gözdən salmaq cəhdi seçkiyə görə deyil.
Nəticəyə görədir.
Çünki bu nəticə o deməkdir:
Ermənistan artıq “idarə olunan problem” deyil
öz qərarını verən aktora çevrilir
Bu isə oyunun qaydalarını dəyişir.
Ona görə də Bakıda belə xətt seçilir:
seçkini qəbul etmə
legitimliyi şübhə altına al
fiquru zəif göstər
Bu, klassik siyasi texnologiyadır.
Amma burada ən açıq ziddiyyət budur:
Öz seçkilərini ideal kimi təqdim edən media,
başqasının seçkisini saxta adlandırır.
Bu artıq təbliğat deyil.
Bu, özünü ifşadır.
Ən maraqlısı isə budur:
Əgər Paşinyan bu qədər “pis” liderdirsə,
niyə onun qələbəsi Ankaranı sevindirir?
Cavab sadədir.
Türkiyə emosional deyil.
O, hesablayır.
Azərbaycan isə hələ də köhnə modelin dağılmasını qəbul etmək istəmir.
Paşinyan sadəcə seçkini udmadı.
O, Ermənistanın istiqamətini dəyişdi.
Ankara bunu göydə tutdu.
Bakı isə hələ də buna əks reaksiya verir.
Və əsas fərq buradadır:
biri gələcəyi planlayır,
digəri isə demokratiyaya söykənən dəyişən reallıqla mübarizə aparır. Don Kixot kimi…
Elbeyi Hesenli
TEREF