Paşinyan yenə canlı yayıma çıxdı – Şuşadan DANIŞDI


Ermənistan baş naziri Nikol Paşinyan bu gün Facebook hesabından yenidən canlı yayıma çıxıb.

Modern.az xəbər verir ki, Paşinyan Şuşa şəhəri ilə bağlı “əhalisinin 90%-i azərbaycanlı olan Şuşa erməni şəhəri sayıla bilərmi?” açıqlamasına izah verib.

O, sözlərinin yanlış anlaşıldığını deyib.

“Mən Şuşa barədə danışarkən Vladimir Putinin təklifinə toxunmuşdum. Amma həmin variant şəhərin 90%-dən çox əhalisinin azərbaycanlı olmasını nəzərdə tuturdu. Odur ki, “Şuşa bu statusda erməni şəhəri sayılırmı?” sualını cavab vermişəm”.

Paşinyan Putinin təklifinin qəbul olunacağı təqdirdə, Şuşa əhalisinin 1992-ci ildəki demoqrafik tərkibinin əsas götürüləcəyini xatırladıb.

“Mən bu təklifə reaksiya verdim. Əhalisinin 96%-dən çoxu azərbaycanlı olacaq şəhər necə erməni nəzarəti altında sayıla bilərdi?”-deyə Paşinyan qeyd edib.

Baş nazirin fikrincə, Qarabağın yekun statsununu həll olunmadığı halda bu sayda azərbaycanlı məcburi köçkünün Şuşaya dönüşü qəbuledilməz idi.
Tarix: 30-01-2021, 12:09
Xəbəri paylaş


Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman

Sağlamlıq

Maraqlı

Maraqlı