Cavid Qurbanov indidən SÜRƏTİ aşağı salmalıdır... - Əks halda "diqqətə" gələ bilər...

Bu gün "Azərbaycan Dəmir Yolları” Qapalı Səhmdar Cəmiyyətinin ictimaiyyətə təqdim etdiyi qiymətlər böyük narazılıqla qarşılanmaqdadır. Amma buna rəğmən ADY rəhbərliyi bütün etirazları qulaqardına vurmaqla məşğuldur. Hazırda pandemiya səbəbindən rayonlara gediş-gəliş durdurulub. Amma pandemiyadan sonranı indidən fikirləşmək lazımdır və yaxşı olar ki, Cavid Qurbanov indidən köhnə narazılıqların qarşısını almağa çalışsın. Burada yeganə narazılıq qiymət bahalılığından olsa da, bu narazılığa səbəb olan məqam ciddi araşdırma tələb edir. Çünki ortada yeyinti şübhəsi var... Bu barədə DİA.AZ-a göndərilən məqalədə deyilir.

Məqalədə daha sonra bildirilir. Hələ keçən il Bakı-Gəncə-Bakı istiqamətində yeni sürətli sərnişin qatarlarında qiymətin bahalığı ilk gündən gündəmə gəlib və çoxsaylı etirazla qarşılanıb. Ekspertlər bu qiymətlərlə bu istiqamətdə rentabellilik olmayacağı qənaətindədir. Qiymətin iki dəfə endirilməsinə səbəb kimi də məhz rentabelliliyin olmayacağının əsas götürüldüyü deyilir. Hətta ucuzlaşdırılan qiymət belə Gəncəyə getmək üçün sərfəli deyil. Şəhərlərarası taksilərlə Gəncəyə gedib-gəlmək daha sərfəlidir. Bu, həm vaxt, həm də maliyyə baxımından vətəndaşların qənaət etməsinə səbəb olur. Ancaq görünən odur ki, Cavid Qurbanovun rəhbərlik etdiyi "Azərbaycan Dəmir Yolları” Qapalı Səhmdar Cəmiyyəti qiymətin müəyyənləşdirilməsi zamanı bir çox amilləri nəzərə almır.

Yenilənmiş biznes qiyməti də ucuz deyil və hamı üçün əlçatan hesab olunmur. Ekspertlər bildirir ki, Dəmir Yolları qazanc əldə etmək və bu böyük layihəyə xərclənən maliyyəni göyə sovurmaq istəmirsə, qiymət siyasətinə yenidən baxmalıdır. Bildirək ki, heç bir dövlət qurumu biznes layihə həyata keçirərkən bazar qiymətləndirilməsini nəzərə almır.

Biznes yerlərinin qiymətinin 2 dəfə ucuzlaşması da bunun əyani sübutudur. Bütövlükdə idarəetmədə bu problemlər var. Sadəcə məqsəd o idi ki, layihə icra olunsun, məbləğ artırılsın, yeyinti baş versin və s. Qiymətin azaldılması effektiv planlaşdırılmanın olmamasının nəticəsidir. Hazırki qiymətləri nisbətən qəbuledici hesab etmək olar.

Təbii ki, dəyərin bir az da aşağı endirilməsi əhalinin xərcləri baxımından vacibdir. Onu da nəzərə almaq lazımdır ki, bu layihələr nəticəsində dövlət büdcəsindən kifayət qədər invenstiyalar cəlb olunur. Yenə bu xərc dolayısı yolla vətəndaşlardan çıxmalıdır.

Marşrut istifadəyə veriləndə də bu qiymətlərlə Bakı-Gəncə qatarının effektiv olmayacağını yazmışdıq. Avtomobil yolu cəmi 3,5 - 4 saata başa gəlir. Qiymət də daha ucuzdur. Bu qatarlar da Gəncəyə eyni vaxta çatır. Avropada sürət qatarından mənzil başına tez çatmaq üçün istifadə edilir. Bizdə isə belə deyil. Biznes klass qiymətlərinin də çox bahalı olması əvvəlcədən tələbatın olmayacağını deməyə əsas verirdi. Qiymətlərin belə tez-tez dəyişməsi sübut edir ki, "Azərbaycan Dəmir Yolları" böyük layihələri həyata keçirərkən nə bazar araşdırması, nə marketinq analizi edib. İndi qiymət məsələsində problem çıxır və öz qərarlarını tez-tez dəyişmək məcburiyyətində qalırlar. Bu məsələnin və idarəetmənin kökündən yanlış olduğunun bariz nümunəsidir. Bu cür layihələrin öncədən iqtisadi-sosioloji pasportları keçirilir və sorğular nəticəsilə atılacaq addımların effektiv olması planlaşdırılır. Bizdə isə nəticələri üzə çıxdıqdan sonar qərarlar tez-tez dəyişdirilir. Bu da ümumilikdə idarəetmədə səriştəsizliyinin göstəricisidir. Azərbaycan Dəmir Yollarında tez-tez baş verən hadisələr sübut edir ki, idarəetməyə yanaşma kökündən səhvdir.

Hələlik vaxt var. Cavid Qurbanov indidən hərəkətə keçməlidir. Sonra gec olacaq. Onsuz da bütün yerlərdə narazılıqlar var və Cavid Qurbanov indidən tədbir görməsə, onun fəaliyyətinin araşdırılması diqqətə gələ bilər. Bu isə həmin sürət qatarlarının dasəcə bir yeyinti səbəbi kimi alındığını ortaya çıxarmış olacaq..."

İddia olunanlarla bağlı bütün maraqlı tərəfləri dinləməyə hazırıq...