Pirallaı icra hakimiyyətində insident... - Başçı məsələni ört-basdır edir...

Pirallaı icra hakimiyyətində insident...
Dünən Pirallahı rayon icra hakimiyyətində insident baş verib. Bu barədə DİA.AZ-a RİH-dəki qaynaqlardan informasiya daxil olub.

Xəbəri verən mənbə iddia edir ki, insident zamanı Pirallahı RİH kadrlar şöbəsinin xanım əməkdaşlarından biri döyülərək xəsarət alıb.

İnsidentin hansı səbəbdən baş verdiyi dia.az-a məlum olsa da, etik səbəblərdən hadisənin təfərrüatınıvə döyülən qadının kimliyini açıqlamırıq.

Burada diqqət çəkən məqam isə ondan ibarətdir ki, olaydan icra başçısı Vasif İmanov xəbər tutsa da, məsələni ört-basdır etməyə çalışır. Mənbə dia.az-a bildirir: "Xanım əməkdaş xəsarət alsa da, bu olay nə polisdə, nə də həkimdə sənədləşdirilmədi. Hər şey başçının göstərişi ilə olub. Döyülən qadın əməkdaş da yəqin işini itirmək qorxusundan səsini çıxartmayacaq. Amma baş verənlər biabırçılıqdır və dövlətin müvafiq qurumları bu məsələni araşdırmalıdır.

Bəlkə də bu hadisə ilə Vasif İmanovu vəzifəsindən ata da bilərlər. Ona görə başçıya hamıya bu barədə danışmağı qadağan edib".

İddia olunanlarla bağlı bütün maraqlı tərəfləri dinləməyə hazırıq.
Tarix: 18-07-2020, 21:15
Xəbəri paylaş


Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman

Sağlamlıq

Maraqlı

Maraqlı