ABŞ İranın ən azı 13 şəhərinə zərbələr endirib – “NourNews”

ABŞ ordusu İrana qarşı yeni hücum dalğasında İranın ən azı 13 şəhərinə zərbələr endirib.
Yeniavaz.com xəbər verir ki, bu barədə “NourNews” portalı məlumat yayıb.
Məlumata görə, Abadan, Əhvaz, Bəndər Abbas, Bəndər Məhşəhr, Behbahan, Buşehr, Cask, Dezful, Keşm, Sirik, Xondab, Xorrəmşəhr və Endimeşk şəhərləri vurulub.
Hava zərbələri nəticəsində tələfat və dağıntılar barədə məlumat verilməyib.
Qeyd edək ki, bundan əvvəl ABŞ Mərkəzi Komandanlığı (CENTCOM) Amerika ordusunun İrandakı hədəflərə növbəti zərbələr dalğasına başladığını elan etmişdi.
Komandanlıq yerli vaxtla saat 17:00-da (Bakı vaxtı ilə saat 01:00) başlayan zərbələr dalğasının İranın Hörmüz boğazından sərbəst keçən ticarət gəmilərinə hücum etmək qabiliyyətini daha da zəiflətmək məqsədi daşığını qeyd etmişdi.
Zərbələr zamanı ABŞ qüvvələrinin qırıcı təyyarələrdən, gəmilərdən və dronlardan istifadə etdiyi və İranın hava hücumundan müdafiə sistemlərini, sahil radarlarını və qayıqlarını məhv etdiyi bildirlir.
Xatırladaq ki, ABŞ ordusu ilk dəfə olaraq İrana qarşı hücumlarda dəniz zərbə dronlarından istifadə edib. Bu silahların istifadə miqyası və effektivliyi barədə məlumat verilməyib.