“Adil Əliyev, utanmırsan?” – Şəhid atası prezidentə üz tutdu - VİDEO

Bakının Suraxanı rayon icra başçısı Adil Əliyev şəhid ailəsini narazı salıb. Hər dəfə şəhid ailələrinə, qazilərə diqqət göstərdiyini deyən icra başçısından indi prezidentə şikayət olunub. 
Anaxeberinfo.az məlumat verir ki, şəhid atası olduğunu deyən vətəndaş sosial mediada video yayaraq dövlət başçısına müraciət edib. Onun sözlərinə görə, tez-tez şəhid atası olduğunu deməsindən utanır, bu addan istifadə etdiyini düşünənlər olar: “Amma vallah, mənim şəhid atası adından istifadə etmək niyyətim yoxdur. Əksinə, Adil Əliyeva töhmət veriləndə bizim evə gəldi. Yəni şəhid ailəsi ilə görüşdüyünü göstərmək istədi”.
Şəhid atası qeyd edib ki, Hövsan soğanı əkmək niyyəti var idi, amma Adil Əliyevin adamları tikdiyi hasarları söküb, yerini satıb. Müraciət müəllifi satılan yerləri videoda göstərir və icra başçısının onun yerini uçurtduğu bildirir. 
“Adil Əliyev, utanmırsan?”,-  deyə şəhid valideyni ritorik sualı verib və prezidentdən kömək istəyib. Videonu təqdim edirik:

Azər Talıbov