Elşad Miri: “Mirşahin Ağayevin emosional, süni şəkildə təmtəraqlı görünən pafoslu çıxışı mövcudluğu qəbul edə bilməməsindəndir”

“Tənqid etsəm də, İctimai TV-nin baş direktoru Balakişi Qasımovun heç bir çıxışına baxmamışdım. Lakin Balaş müəllimin “Media Masa”sında media sahəsində məntiqli, reallığı görən çıxışını alqışladım. Təhlilinin mükəmməl olduğunu gördüm. Hətta o çıxışından sonra özüm üçün bəzi planlarımın konturlarını da qeyd etdim. Çünki həm aparıcının, həm də AzTV sədrinin qarşısında analizləri təqdirə layiq idi”.

Pravda.az-ın xəbərinə görə, bunu ilahiyyatçı Elşad Miri bildirib.

““Media Masası”nın ikinci verilişini də seyr etdim. Yenə də sosial şəbəkələrdən... Lakin "Real TV"-nin Baş direktoru Mirşahini daha aqressiv gördüm. Emosional, süni şəkildə təmtəraqlı görünən pafoslu çıxışı mövcudluğu qəbul edə bilməməsindəndir. Yaxşı icraçı olduğunu eşitmişəm, amma reallığı həzm edə bilməməsi onu da “yeni tarix”in media fiquru kimi tarixin yaddaşına həkk edəcək.   Yutuber MrBeast-i də bilmədiyi özünü büruzə verirdi. Auditoriyada oturanların hamısı süni intellektdən istifadə etdiyini desə də, Mirşahin “köhnə kişilər”dən olduğunu dedi. Bəli, yenilənməmək mediaya zərbədir”, - E.Miri qeyd edib.