Saatlıda dövlətin pullarına kim tamah salıb? - İDDİA

Saatlıda dövlətin pullarına kim tamah salıb?
Azərbaycanda korrupsiyaya və rüşvətxorluğa qarşı genişmiqyaslı mübarizə sanki Saatlı Mədəniyyət Mərkəzinə aid deyilmiş. Hətta Mədəniyyət Nazirliyində məsul şəxslərin həbsi, bu nazirlikdə aparılan yoxlamalar da Saatlı Mədəniyyət Mərkəzinin direktoru Bəylər Əliyevi qəflət yuxusundan ayıltmayıb. Görünür B.Əliyev yoxlamalar başa çatana qədər büdcə vəsaitindən mənimsədiyini qənimət bilir.

Bu gün Saatlı rayonu ərazisindəki mədəniyyət evləri və klublara baxış keçirilsə, məlum olar ki, əksəriyyətinin adı var, özü isə yoxdur. Əksər kəndlərdə illərlə qapısı bağlı qalan uçuq-sökük binalar guya, mədəniyyət evi və ya klubdur. Həmin “binalarda” hətta oturmağa stul və sınıq-salxaq da olsa, skamya da yoxdur. Bəhanələri də budur ki, Sabirabad Regional Mədəniyyət İdarəsinin rəisi Əhməd Apoş oğlu Ramazanov, bəli Apoş oğlu, bu vəzifəyə təyin olunan gündən klub və mədəniyyət evləri inventar üzünə həsrət qalıblar.
Saatlı Mədəniyyət Mərkəzininin direktoru Bəylər Əliyevin deməsinə görə, son 4 ildə kənd klub və mədəniyyət evlərinə bir vərəq də olsun, ağ kağız, adi karandaş da verilməyib. Əslində, karğüzarlıq ləvazimatları bütün mədəniyyət müəssisələrinə, o cümlədən Saatlı rayonundakı klub və mədəniyyət evlərinə də ayrılıb. Ancaq bunların hamısı Bəylər Əliyevin əli ilə mənimsənilir. Hətta kənd klub və mədəniyyət evlərinin “işçiləri” hər ay aldıqları əmək haqqının 40 faizini Bəylər Əliyevə verirlər. Verməsələr, Bəylərin dediyi kimi, Sabirabad Regional Mədəniyyət İdarəsinin rəisi Əhməd Apoş oğlu Ramazanov həmin klub və mədəniyyət evlərini bağlayar. Ona görə də kənd mədəniyyət evi və klubların işçiləri hər ay əmək haqqlarından 30-40 faiz Bəylər müəllimə vermək üçün onun qapısının ağzında növbəyə dayanırlar.
B.Əliyev bununla qane olmur. O, özü üçün bir neçə “adı olub, özü olmayan” işçi də saxlayır. Məsələn, rayonun Varxankənd kənd klubunun mədəni təşkilatçı vəzifəsində “işləyən” Ağalarova Məharət Mirələkbər qızı 5 ildən artıqdır ki, Sumqayıt şədərində yaşayır. Ancaq hər gün kənd klubunda, guya, “işdə” olur. M.Ağalarovanın aylıq əmək haqqı Bəylər Əliyevə çatır. Əmək haqqı kartı da Bəylər Əliyevdədir. Rayonun klub və mədəniyyət evlərində belə “ölü canlar” coxdur.
Təəssüf ki, ölkəmizdə korrupsiyaya və rüşvətxorluğa qarşı aparılan mübarizədən, xüsusilə Mədəniyyət Nazirliyindəki həbslərdən nə Saatlı Mədəniyyət Mərkəzinin direktoru Bəylər Əliyev, nə də Sabirabad Regional Mədəniyyət İdarəsinin rəisi Əhməd Apoş oğlu Ramazanov ciddi nəticə çıxarırlar. Onlar büdcə vəsaitini talamaqda davam edirlər.
GundemXeber.Az
Tarix: 14-07-2020, 08:32
Xəbəri paylaş


Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman

Sağlamlıq

Maraqlı

Maraqlı